رد: تفسير احلام الحوامل ونوع مولودك من حلمك

من طرف مشرفة كويتيات الثلاثاء مارس 15, 2022 6:39 pm

الحمدللــه وانا ما يصيبني شي من هالحياة السعيدة :lololoe:

الله يجزااج خير ما قصرتي
أنقر للتوسيع...
هلا حبيبتي
انتي ذكرتي ان البنت بنت اخوج فهو التفسير يخص اخوج حبيبتي ولكن ايضا يدل على فرحتج له لهذي الحياه والرزق ويارب يرزق الجميع ويوفقج حبيبتي

من طرف مشرفة كويتيات الثلاثاء مارس 15, 2022 6:40 pm

حلمت ان طالع لي تحت صبعي الوسطى صبع ثاني وانا خايفه احد يشوفه بس وريته امي جان تقوم امي تقصلي ياه بالمقراضه وماحسيت بالم ولاشي وقامت قرضت ظفري طلعت من تحت الظفر ورد مجفف حتى كانوا اوراق ورد جوري احمر وطلعت مثل اوراق صغيره ملفوفه وفتحتهم وقريناهم بس ماتذكر شنو كان مكتووب

من طرف مشرفة كويتيات الثلاثاء مارس 15, 2022 6:40 pm

السلام عليكم... أنا متزوجة.
اليوم حلمت بوحدة معاي بالدوام (و هي بالحقيقة حامل يمكن بالشهر الثالث) ، و حلمت إني قاعدة على مكتبي بالدوام و هالبنت وقفت يمي و كانت شايلة شيء ثقيل بإيدها و تبي تعطيني إياه جان أقول لها: ديري بالك لا تشيلين شيء ثقيل إنتي حامل.. جان ترد علي: انا مو حامل طاح البيبي من زمان. فأنا انصدمت بالحلم إنها أجهضت، جان أساسرها بأذونها و قلت لها: مرة ثانية اذا حملتي لا تقولين حق بنات الدوام عشان ما يحسدونك. و بس

من طرف مشرفة كويتيات الثلاثاء مارس 15, 2022 6:40 pm

في حملي الاول

حلمت في بنت وانذكر اسمها وجبت بنت

مشكوره حبيبتي عالموضوع

من طرف مشرفة كويتيات الثلاثاء مارس 15, 2022 6:40 pm

والله انا(( قبل لا اعرف اني حامل ))كله احلم اني بروح المدينه الترفيهيه وكله احد يقولي تعالي نروح الملاهي و انا اقوله جنه مو وقته يقولي لا الحين و يقعدون يقنعون فيني لين اروح .. اكثر شي كنت احلم بالمدينه الترفيهيه... بعدين حلمت بكناري يتكلم و كلمته قلت له عطني من الخير جان اشوف شي يبرق جدامي ولا تتناثر علي كرستالات و دانات و لولو .. انبهرت و قمت القطهم شي صغير شي كبير خير اللهم جعله خير..

(( وبعد ما عرفت اني حامل)) كله احلم يا انا متزوجه على ريلي .. و بالعرس اقول امبيه اشلون اخذ هذا وانا حامل من ريلي اشلون اتزوج على ريلي .. و كل مره متزوجه عليه هههههههههه وناسه ... هذي اول فترات الحمل و كرهت ريلي مع النساه كره مو طبيعي ...
وبعدين قمت كله احلم انه ريلي متزوج علي و لا متزوج قبلي و عنده عيال وانا ما ادري .. وقلا قاعدين نطق بعض .. و اقوم من الحلم جنه صج حتى ساعات ازعل ما اكلمه اقوله ليش تتزوج علي بالحلم هههههههههههه
******
طولت عليكم ما تقصرون على هالموضوع و سوري على القرقا

من طرف مشرفة كويتيات الثلاثاء مارس 15, 2022 6:41 pm

انا في كل ما احمل احلم باسوارة الماس كل مرة تتكرر نفس الاسوارة انا بالصج عندي الاسوارة بس 3 مرات حملت و احلم بنفس الاسوارة ان زوجي ياب لي ياها هدية و كل مرة اقولة كل مرة تييب لي نفس الاسوراة ليش غير الشكل علي الاقل بس انا امس حلمانة ان عندي بنت توني والدتها و قاعدة ادور فيها بالشوارع و الحدايق ماني عارفة شنو يعني

من طرف مشرفة كويتيات الثلاثاء مارس 15, 2022 6:41 pm

بحملي الاول

أمي اهدتني ساعه ويبت بنت

والحلم الثاني رحت اشتري صقر من الفرااغه لووول ويبت وولد

طريقة الجريش باللبن عالم حواء

طريقتي في الجرييش من أمي الله يحفظها ويرزقها وكل من ذاقه ادمن عليه

قطعي بصل صغير وبدون حمس حطي معه ملعقه كمون صغير وملح حطي عليه الماء حتى يفوح واغسلي الجرييش وحطيه على الما والبصل وخليه لين …

طريقة الصينيه

دجاج مقطع منزوع الجلد ومغسول بالخل والطحين منيح

طريقة الجريش باللبن عالم حواء الكويتية

جريش عالم حواء الكويتية

…

طريقة التحضير والتجهيز لعمل برجر الدجاج

مقادير برجر الدجاج

جريش ابيض باللبن|مطبخ كويتيات

دجاج لذيذ

دجاج لذيذ ومحمرة ولا اروع

مقادير كيس الجمبري

كيف تسوين الروبيان بالكيس الحراري بالمنزل مثل الشيفات - مطبخ كويتيات بنات الاحمدي

100 جرام من الزبدة.

ملعقة كبيرة من الثوم المفروم.

ملعقة كبيرة ملح.

ملعقة كبيرة فلفل اسود.

ملعقة كبيرة كزبرة.

ملعقة كبيرة …

تفسير احلام الحوامل ونوع مولودك من حلمك