رواية شفايدة الندم ؟ رواية كويتية واقعية [ روآيه مسمُوح بهآ ]

رواية شفايدة الندم ؟ رواية كويتية واقعية [ روآيه مسمُوح بهآ ]

بسم الله الرحمن الرحيم
اول شي حبيت اقولكم انا راح اكتب رواية واذا في تشجيع راح اكملها
وكل يوم بكتب بارت وانشالله راح تعجبكم
واشكر موسهله لانها سمحتلي اني احط هالروايه
الرواية تتكلم عن بيت بوعبدالرحمن وعياله
الشخصيات
بوعبدالرحمن : انسان عصبي وماله خلق حق بيته وعياله اهم شي عنده انه يعطيهم فلووس وكله مسافر ومايدري عنهم
ام عبدالرحمن : ام فاشله ماتقدر حق عيالها 24 ساعه طالعه تسافر دول رايحه فيها حق الشباب والخرابيط وما تدري عن عيالها كلش
نبدي بالعيال
عبدالرحمن : حلوو بمعنى الكلمة و طوله زين وجسمه رياضي وعمره 21 ويحب اخوانه
دانه : بنت حلوه جسمها حلوو شعرها ياي على كستنائي وعيونها بنيه يعني نقدر نقول جميله عمرها 17 نوعها غامضه حييل واسرارها كله بقلبها
عمر : صبي قصير وشعره بني ونااعم اهوا شيطاان وكسلان بالمدرسة عمره 13 بس حق الوناسه زاهب
الجوري : شعرها بني فاااتح وعيونها عسليه عمرها 4 سنين متبته واتينن
وراح تتعرفون على الشخصيات اكثر من خلال الروايه وشخصيات ثانيه
البارت الاول
في بيت من اكشخ البيووت بالكويت
دانه قاعده بدارها تكلم رفيجتها
دانه : افف مليت يا فرح ملييت
فرح ( رفيجت دانه الروح بالروح وياها من واهيه صغييره وكل شي ويا بعض مواصفاتها شعرها اسود لي نص ظهرها ومتحجبه وحنطاويه وجسمها زين )
فرح : صبري يا دانه صبري وادعي ربج
دانه : انزين تخيلي امي الحين مادري اهيا بأي دوله وابوي مقطووط بامريكا وبريطانيا عشان الفلووس
فرح : بعد شتسوين هذي قسمة ربج الله يهديهم
دانه : انا اقص ايدي اذا مو اهما متحسفين انهم يابونا
فرح : استغفري ربج مو لهدرجه
دانه : عيل ليش محد يدري عنا وكله بره الكويت
فرح ( بتغير الموضوع ) : انزين يوم الخميس وين بتروحين ؟
دانه : مادري شرايج نروح الافنيوز
فرح : اي اوكي انا بشوف امي واقولج
دانه بقلبها : يابختج امج تدري عنج عالاقل
فرح : يلا باي
دانه : بايات
جان يطق الباب على دانه
عبدالرحمن : دانه ممكن ادخل
دانه : تفضل حمني
حمني : دانوه بقولج شي
دانه : شفيك قولي
حمني : ماتدرين وين عمر ؟ ماقالج بيطلع شي ؟
دانه : هاا لا ماقالي ليش وينه
حمني : راح السايق ياخذه من المدرسة مالقاه وليلحين مارد البيت
دانه : وييه الساعه 5 متى بيرد
حمني : مادري بس اذا رد عالاقل عطيني خبر
دانه : اوكي
ونزل حمني بيطلع ولا يتبطل باب البيت شوي شوي
حمني بعصبيه : عمر
عمر : نعم
حمني : وين كنت ؟
عمر: انا كنت ويا رفيجي عازمني على الغدا
حمني : ومنو هذا
عمر : وانت شكو رفيجي ولا رفيجك
قرب يمه حمني ومسك هدومه : انا لمن اكلمك ترد علي فاهم
عمر : انزين
حمني : عمر شهالريحه
عمر : هاا اي ريحه ؟
حمني : اللي فيك
عمر : حمني هذي ريحه الزفر لانه عازمني على مطعم بحري
حمني : انت فاهمني زين هذي مو ريحه زفر هذي زقااير
عمر : اي يمكن احد يمي شرب انا شكوو احنا كنا بمطعم
حمني : تجذب على منو انت ؟
عمر : انت شفيك مو مصدقني
حمني : شوف مرثانيه ان شميت فيك ريحه زقاير يا ويلك فااهم :mad:
عمر : خلاص اوكي
وطلع حمني
عمر : اووف هذا شكوو مالت عليه يعني خفت الحين

عند دانه
كانت قاعده ويا جوري اختها تلبسها وتغير بجامتها لانها توصخت كلها برد
جووري : دانه
دانه : نعم جووري
جوري : دانه انتي ماما انا ما احب ماما انا مرثانيه كله بناديج انتي ماما
دانه : لا جوري انا اختج الكبيره
جووري : بس انا اشوفج ماما
دانه : خلاص اذا انتي تبيني ماما انا ماما
جووري باستها : احبج ماما
دانه كان كل همها جوري لانها كاسره خاطرها وكله تهتم فيها وماتبيها تتربى مثل مااهيا تربت

البارت الثاني
صار بليل الساعه 3
سمعت دانه صوت الباب قالت اكيد امي او ابوي وردت بتنام تقلبت تقلبت ماياها النووم
جان تقوم تروح غرفه اخوها حمني لقته موموجود كعادته
وراحت حق عمر مالقته انصدمت
قالت مالي شغل عنده ام وابو انا اهم ماعلي جووري
قعدت بالصاله تشوف تلفزيون ولاتليفون البيت يرن
دانه : الوو
.......: هلا هلا بالحلوه
دانه : منو انت ؟!
.......: ياحلوه انا اعرف امج وامج قالتلي اعطييج شي
داانه : وامي شكوو توصيك ؟
............: انتي تعرفين امج زين ؟
داانه : اي اعرفها واعرف كل شي
.......: اي اقوول انزين سمعيني انا راح اعطيج شيي من امج بس لازم اشوفج
دانه : يا سلاام عليك
..........: تعالي شوراج باجر الساعه 10 بليل عند البراحه اللي موجوده بمنطقتكم اوكي وهذا رقم تليفوني 997............
دانه : حيل ثقه انيي راح ايي
......: صيري مثل امج حلوه وتعالي ولا تشوفين شي ماشفتيه وسده بويهها
قعدت دانه تفكر ارووح ولا ما ارووح
بس اخر شي قالت مادام انا محد يدري عني و حتى لو دروا عاادي ليش مااروح واذا صار فيني شي اهما يتحملوون انا ما اقدر اتحمل برووح

اليوم الثاني
قعدت دانه من النوم الصبح وتقعد جووري وعمر
وتقط عمر بمدرسته وجوري بروضتها وتروح ثنويتها
دشت وشافت رفيجاتها سلمت عليهم وسولفت
يت فرح : السلام لله
دانه : حيااتي اسفه ماشفتج
فرح : لا ياروحي عاادي
وقعدت دانه ويا فرح
داانه : فرووح بروح اشتري من المقصف
فرووح : اوكي انا ناطرتج بالصف
داانه واهيا تشتري ولا اتييها بويه
البويه : هلا والله
دانه : هلا فييج
البويه : معااج دلوول أو تقدرين تقولين طلوول ( وترفع غولتها )
دانه : عاشت الاسامي
دلوول "طلوول " : عاشت ايامج ممكن اعرف الاسم
دانه : معاج دانه
دلوول : اهاا صراحه انا وايد انعجبت فييج وبشكلج
دانه : تسلميين
دلوول : ااقدر اصير وياج يعني نتعرف اكثر وابي رقمج لو سمحتي
دانه : اي اوكي هاج رقمي 099...........
دلوول : اوكي راح ادق عليج اليوم
دانه : اوكي يلا سي يو
دلوول: سي يو سوون ياحلووج
دلوول ( ان ماخليتج تصيرين لي وتمشين عاللي ابييه ما اطلع انا طلوول ياا الحلوه )
وراحت دانه حق فرح
فرح : طولتي
دانه : ايي تعرفين دلوول البوية
فرح : شفيها
دانه : تعرفت عليها
فرح : من صجج دانو ياحماره مو هالاشكاال
دانه : فرح خليني اسوي اللي ابيه اصلا انا تعرفت عليها وبعدين شنو يعني ترا ماسويت شي
فرح : كيفج
وبقلبها : ادري انه كل هذا مايطلع منج من اهلج الله يسامحهم ويهديهم
نرووح عند عمر
واهوا قاعد بالمدرسه
ولا اييله رفيجه ضاري
ضرووي : عموور شفيك قاعد بروحك جنك ياهل
ولا يضحكوون الصبيان
عموور : لا ولا شي بس مالي خلق حق شي
ضرووي : شرايك اليوم ترد معاي بالهده و نروح بيتنا ونستاااااااااااااااانس
عموور : ها من صجك لالا مابي اصلا اخووي امس زفااني وانا مو ناقص
ضرووي : خلاص الحين ننحاش من المدرسه ونرد عالهده
عموور يفكر : امممممم خلاص اوكي
وانحاشوا من المدرسه بسلاام ومحد جكهم
عموور : الحين وين بنروح
ضروي : بيتنا بعد ويين ؟
عموور : اوكي يلاا
وراحوا بيتهم دشوا وقعدوا شوي ولا
ضرووي يطلع من مخباته زقاير و ولاعه
ضرووي : هاك اخذ
عموور : ضرووي لا تبلشني ما احب هالسوالف
ضرووي : يالخبل عاادي اصلا انا وابوي واخواني كل يوم لازم شفت صار فيني شي ؟
عموور : اوكي بس وحده
ضرووي بقلبه : وحده بعدين ثنتين وثلاث لين اييبلك اللي صج بيخليك تطيير
عموور : كح كح كح شنو هذي
ضرووي : بس لانك اول مره اشرب اشرب
وقعدوا يشربون وحده وثنتين وثلاث وهاذي حالتهم صارت الساعه 1 الظهر
عموور : ضرووي صارت 1 الظهر انا بمشي
ضرووي : وين وين تو الناس
عموور : لالا مابي
ضرووي : انزين دقايق بروح وبرد
ورد ضروي معاه حبوب
ضروي : اخذ هاذي عشان تخليك نشيط لانه الزقاير تدوخ
عموور: شنو هذي ؟
ضرووي : هذي حبه انا ماخذه من الطبيب معطينياها
عموور : اهاا اوكي وكلاها وشرب ماي
ضرووي : يلا اخلي سايقنا يوصلك
عموور : اوكي يوديني المدرسه
ضرووي : ايي اكيد
ورااح عمور المدرسه كاانت الهده ركب السياره ورد البيت
الا مايشووف جدامه ولا يطيح
ركضت الخدامه وشالته حطته بفراشه

البارت 3

ردت دانه من البيت : جاندرا جااندرا
جاندرا : ناام دانه ( نعم دانه )
دانه : هاا يه عمور
جاندرا : ايي او يجيي بعديين علطول طييح انا ودي فوراش ( ايي يه وعلطول طاح وانا وديته فراشه )
داانه : ايي اوكي انا بروح انام وقعديني الساعه 6
جاندرا : اوكي مدام
نروح عند عبدالرحمن
كان بالجامعه عنده محاضره وسرحاان
فجاه الا الدكتور يناديه
الدكتور : عبدالرحمن عبدالرحمن
حمني : هلا دكتوور
الدكتوور : عيد النقطه اللي توني شرحتها
حمني : ااا اا دكتوور اسف انا كنت سرحاان
الدكتوور : لا والله ممكن اعرف ليش صارلك فتره ما تنتبه
حمني : اسف دكتور مو نايم عدل
الدكتوور : شاللي يمنعك من النووم
حمني : ظروف دكتوور ظرووف
حس الدكتوور انه فعلا مسكيين وانحرج
عقب ما خلص حمني محاضراته رجع البيت علطوول وناام
صارت الساعه 6 ويت جاندرا قعدت دانه ووياها جووري
جاندرا : دانه دانه قوومي
وقعدت جووري تناقز عالفراش : ماما دانه قومي وتبوسها
قامت جووري وقالت حق الخدامه تطلع
جووري : ماما دانه انا ماحب جاندرا
وبجت
دانه شكت بالموضوع : ليش جوري اهيا شسوتلج
جووري : اهيا طقتني
دانه : ويين اح وين طقتج
جووري : تأشر على زنودها :منيي
دانه : خلااص انا اكلمها
وراحت دانه كلمت جاندرا لانه عندهم من زماان من ولاده عموور
صارت الساعه 9
راحت دانه لبست جينز سكني وبلووزه فوشيه فيها نقش بالوردي فااتح
وركبت السياره واهيا اللي ساقت وراحت المكان اللي اتفقت فيه اهيا ويا رفيج امها وماتدري شسالفته
ودقت عليه قالتله انها بتيي
وصلت ولا تشوفه يصفط يمها
.......: هلا هلا
دانه: هلا فيك
..........:شدعوا يبا تعالي قعدي يمي
دانه : ايي اوكي
ونزلت وركبت يمه قالت : ممكن اعرف شسمك
........: معاج سالم
دانه : اهاا وشتبي بالضبط
سالم : حرك السيارة
داانه : هيو انت شتبي اتسوي فيني وين موديني
سالم : دانه هدي انا بوديج مكاان كله نتيمع فيه
دانه : لا والله ردني
سالم : امج قالتلي اوريج
دانه سكتت واهيا خايفه
وصلوا مكاان نفس مزرعه
سالم : حياج
دانه نزلت واهيا خاايفه
دشت واوقفت شافت اشيااء شافت بناات لابسيين ملابس شبه شفافه ويرقصوون ويا الشبااب واللي سكران واللي يشرب
سالم : كملي كملي لا تخافين
دانه : انزيين
اول مادشت قعدت
جان اييها واحد وقالها تعالي وياي شوي
لفت على سالم غمزلها يعني روحي
راحت واهيا خايفه وصلوا غرفه هاديه دشت الا فيها سرير
جان يدش هالصبي وقالها : لاتخافين ماراح اسوي شي
دانه : عيل شتبي
الصبي : نطري شويه بييبلج عصيير
وراح يابلها عصيييير
الصبي : تفضلي
داانه : خذته وشربت لانه ريجها نشف حست بطعمه غريب بس استحت ترده وشربت نصه
الصبي : شلوونج
دانه : تمام شسمك
الصبي : معااج خالد
دانه : اهااا
الصبي : وانتي دانه
داانه : ايي نعم وحست شي يدفعها انه تكمل القلاص وشربته كله
شوي وبدت تدوخ
خذاها خالد واطعوا
شوي شوي قعد يرقصها ورقصها
وقعدت ترقص واهيا مو واعيه وتسب امها واهوا يسمعهها ويكمل
عقبها صارت الساعه 4 الفير وصار فيها اشياااء واايد ومنها انه صار اللي مو لازم يصير
وردت البيت واهيا سكراانه راحت فراشها وناامت
صارت الساعه 7 الخداامه تقعدها حق الثنويه قالتلها انها بتغييب
وماقامت من النوم الا الساعه 11
قامت حاولت تتذكر اللي صار مو ذاكره شي راحت الحمام وانصدمت صدمة حياتها
تسبحت واقعدت تبجيي وتقول انها خلااص انتهت
وصارت الساعه 12 ونص الا تدش عليها اختها جووري ردت من الروضه
جووري : ماما شفييج
دانه : مافيني شي شسويتي اليوم بالروضه
جووري توريها رسمتها : رسمت هذي والابله صفقتلي
دانه : شاااطره
وبقلبها : لا تخافين يا جوري ماراح اخليج مثلي راح اكبرج واعلمج دينج واعلمج الصح والغلط انا محد علمني بس انا انتهييت
شوي الا ياي عمر داايخ
عمر : انا بناام
دانه : تعال تغده شفيك تحت عيونك اسود
عموور : مافي شي بس تعبان بناام
دانه : حاالتك مو عاجبتني انت شفييك بالضبط
عموور : اوووه ما صدقتيني كيييفج يباا
وراح داره
اقعدت دانه تاكل وتوكل جووري الا داش عبدالرحمن
عبدالرحمن : السلام وعليكم
دانه : وعليكم السلام
عبدالرحمن : امس انتي ماخذه السياره الساعه 9 ونص
دانه : ايي انت متى طلعت ومتى رديت
عبدالحمن : اهاا انا طلعت 10 ومارديت الا توه رحت الشاليه عقبها رحت الجامعه والحين بروح انام حدي داايخ
دانه : اهااا انا رحت الجمعيه شريتلي جم شغلة ورديت
عبدالرحمن : اهااا يلا انا بروح انام
دانه : اوكي

خلصت دانه غدا وراحت دارها ولا يرن تليفوونها
رقم غرييب
دانه : الوو
.......: الوو
دانه : منوو
........: عرفتيني
دانه : امممم لا
.........: اهااا انا طلوول
دانه : طلوول اي طلوول ؟!
طلوول : اممم دلال اللي بمدرستج
دانه ( فهمت انها البوية لانه البويات كلا يلقبون روحهم باسامي شباب ) : ايي هلا والله
دلوول : ويينج ؟
دانه : بالبيت
دلوول : شفيج اليوم ماييتي المدرسه سالت قالولي انج غايبه
دانه : والله كنت تعباانة
دلوول : اهاا ماتشوفين شر لازم ايي ازورج
دانه : لا ماله داعي بس كانت نشله وصرت تمام
دلوول : ولو انا بييلج
دانه : على راحتج متى بتيين ؟
دلوول : اممم 6 اوكي
دانه : ايي اوكي انا انطرج
دلوول: لحظه
دانه : شفيج
دلوول : انشالله تعطيني العنوان
دانه :كااااااااااااااااااااااك سوري نسييت
دلوول : يلا عطيني
دانه : جنوب السره \ السلام ق ................
دلوول : انشالله عالموعد انا عندج
دانه : اوكي يلا باي
دلوول : باي حيااتي ( وصكته )
دانه حست بالكلمه وقالت يحليلها بووية بس شكلها طيبه


شبكت داانه وسولفت ويا فرح بس ماقالتلها انه دلوول بتيي لانها تدري انها بتزفها
صارت الساعه 5
قامت دانه فجت كبتها تدورلها شي تلبسه
لقت نفنووف لي الركب لونه بنفسجي ويكوون حفر
لبسته لانها بتقعد بالبيت ماراح تطلع
وفلت شعرها وحطت فيونكه بنفسجيه
شوي والا يطق الجرس راحت جاندرا فجت الباب
دلوول : وين دانه
جاندرا : اكو دار انا يناديها
دلوول : اوكي يلا
يت دانه
دانه : تفضلي دلوول
دلوول : هاا اي اوكي
دشت دلول البيت وكان لبسها لبس شباب
وقالتلها دانه انه يقعدون بدارها احسن
دشوا الدار وقعدوا يسولفوون مدده
عقبها استأذنت دلوول وطلعت

نروح عند عبدالرحمن
كان قاعد عالبحر ويا رفيجه ناصر
ناصر : حمنيوو انت لازم تحضر المحاضره باجر
حمني : مالي خلق كلش
ناصر : والله ياناصر الدكتوور كل يوم يسأل عنك ويسجلك غياب
حمني : خلااص باجر بحاول اداوم
ناصر : لا راح اتداوم وانا اللي بمرك شرايك ؟
حمني : اوكي شرايك نروح نتعشى
ناصر : ايي انا حدي يوعاان
حمني : اي مطعم تبي ؟
ناصر : اممممممم شرايك نروح فرايديز
حمني : يلا فووقه

عند دانه
كانت قاعده تشوف التلفزيوون ويا عموور فجأة الا يرن التليفون
قامت راحت داارها لانه اللي داق سالم
شالته : الوو
سالم : هلا وغلا
دانه : اسمعني زين ان دقيت عالرقم مرثانيه ماتلوم الا نفسك
سالم : اذا ماييتي معاي الليله راح تشوفين شي ماشفتيه
دانه : شبتسوي مثلا
سالم : بسيطه ابلغ بالمخفر انج مو شريفه اووووووووووه بعدين عاد
دانه خنقتها العبرة : خلااص انا راح ايي بس
وراحت دانه وياه الحفله وكل مالها وتخترب اكثر
اليوم اللي وراه غابت وكانت نفس الحاله لانها رايحه
دقت فرح على دانه
فرح : الوو دانه
دانه : هلا والله بفرح
فرح : داانو انتي شسالفتج تغيبين وايد
دانه : توج تحسين فيني
فرح : حرام عليج ادق عليج كله مغلق
دانه : اصلا انا ما اصكه
فرح : مادري والله يمكن بالخدمه
دانه : يمكن !!
فرح : انزين ليش تغيبين ؟
دانه : لاني كنت مريضه وتعبانه ومالي خلق حق شي
فرح : باجر بتداومين
دانه : ايي بداوم
فرح : اوكي عيل سي يو !
دانه : سي يو سون
صكته فرح ودانه مستغربه من تصرفااتها اهيا كل مره تدق وتسال ليش جذي صارت جافيه !!!!
صار بليل ودقت دانه على سالم وقالت انه هالمره ماتقدر تيي لانه وراها مدرسه وصارلها 10 ايام مو مداومه لانها تسهر بالحفلاات
دانه : انا اليوم ماراح ايي
سالم : اوكي في غيرج بس شالمانع
دانه : والله المانع وراي مدرسه على مااظن
سالم : اوكي حياتي اصلا اليوم ماكو حفله
دانه : اوكي بااي سي يو
دانه تغيرت صارت شبه تميل حق هالاشياء ومايهمها شي باختصار ( اختربت )

البارت الرابع
اليوم الثاني
داومت دانه المدرسه وقعدت بالصف ولا تيي الخصائيه وتناديها
الاخصائيه : داانه شفيج صايرلج 10 ايام غايبه بدون مرضيه
دانه : ابله اسفه كان عندي ظرووف
الاخصائيه : ولو مهما كانت الظرووف مو 10 ايام بهالحاله تظطرين تقولين ظرووفج
دانه : ابله ما اقدر اقول ظروفي خاصه
الاخصائيه : ترا ماراح ينفعج السكووت لانه انا مضطره احولج عالوكيله
دانه : لا ابله تكفيين مااقدر تكفيين
الاخصائيه : اسفه الحين بكتبلج ورقه تروحين عند الاخصائيه لانها تدري عنج
دانه : قعدت تبجي ابله تكفيين انا ادري انكم بتفصلووني
( دانه كانت شااطره ومهتمه بدراستها نوعا ما بس كانت ماتغيب ومعرووفه انها زينه وموكسلانه والابلات يحبوونها )
الاخصائيه : دانه تقدرين تشكين لي همج
دانه ( جذبت ) : ابله انا امي وابوي مسافرين واهلنا مووايد ويانا واختي الصغيره نوموها بالمستشفى واظطريت انام عندهاا
الاخصائيه : ويييييي جم عمر اختج
دانه : 4 سنين
الاخصائيه : خلاص عيل انا صدقتج بس مرثانيه لو تغيبين اكثر من 4 ايام متتالية بدون عذر طبي راح اظطر افصلج
دانه : خلاص ابله راح احاول اني ما اغيب
الاخصائية : ايي يالله هاج الورقه روحي صفج
دانه بقلبها : ياربي ليش جذي عيشتي لييش انا ادري اني اظلم نفسي لمن اروح الاماكن المشبوهه بس انا ماعندي من يهتم فيني وحتى لو دروا عاادي ماراح يقولون ليش
واهيا تمشي رايحه صفها ولا تلقى صف دلوول راحتلها
طقت الباب ودشت : ابله ممكن اكلم دلال يعقوب
الابله : شتبين فيها
دانه : ابله بكلمها ضرووري
الابله : ايي يلا دلال روحي
راحت دلوول حق دانه
دانه لمتها وقعدت تبجي حيييل
دلوول : دانه شفييج تبجيين
دانه : دلوول تدرين انه كانوا بيفصلووني عشان غيابي
دلوول : ايي انا ادري طنشي يبا طنشي
دانه : تبجي
دلوول : طنش تعش تنتعش
دانه (ضحكت بدموع ) : ههههههههههه
دلوول : اي خلج جذي يلا غسلي ويهج وروحي صفج
دانه : اوكي باي
وراحت دانه صفها
وكملت يومها عادي وكذا ابله سالتها عن غياباتها بس مثل العذر جذبت
نروح عند عمر
عمر كان يشرب زقاره بالحمام ولا يدش المشرف عليه
المشرف : عمر :mad:
عمر : نعم استاذ وقط الزقاره
المشرف : شقاعد تسوي
عمر : ولا شي كنت اغسل ايدي
المشرف:تجذب علي تعال اوقف مني
عمر : ليش استاذ
المشرف : اوقف بدوون ليش
وقف عمر المكان اللي اشر عليه المشرف وراح المشرف مكان عمر شاف عالارض زقاره طايحه
خذاها المشرف الا حااره وعرف انه كان قاعد يشرب زقاير
المشرف : تشرب زقاااير
عمر : لا استاذ مو مالتي
المشرف :تعال قرب صوبي
عمر قرب الا ريحته زقاير واضحه
عرف المشرف انه يشرب زقاره وودااه حق الوكيل
الوكيل : ياسلاام تشرب زقاير عيني عينك
عمر : استاذ آسف اخر مره
الوكيل : لا تقول جذي وهذي مو اول مره تسويها وانت وقعت على تعهد انك ماتسوي هالشي والحين سويته انا مضطر اسويلك فصل هاك ورقة الفصل يلا وقع وراح تنفصل شهر مابي اشوف رقعه ويهك
عمر كان خايف : انشالله ووقع
الوكيل : يلا روح صفك وباجر لا تداوم ولمدة شهر راح تطووفك الموواد ومحد راح يشرحلك
عمر : اوكي
وراح عمر كان مستانس انه بيفتك من المدرسه
________
عند دانه صار الهده وردت البيت وقاعده تفكر لوتنفصل ماراح تروح الجامعه اهيا بس عالاقل تبي تفتك من الثانويه بعدين تعيش حياتها
عقب ماردت البيت ودرست لانها عندها امتحان
ملت من القعده ودقت على فرح
ماترد
دقت على بيتهم
دانه : الو
ام فرح : هلا والله
دانه : هلا فيج موجوده فرح ؟
ام فرح : منو اقولها
دانه : قوليلها دانه
ام فرح ( تغيرت فجاه ) : والله فرح مشغووله ماتقدر تكلمج
دانه : اي اوكي مع السلامه
وصكته ام فرح من غير ماترد
دانه بسم الله الرحمن الرحيم شسويت انا فجاه عصبت
اوووف ملل
راحت دانه ودقت على دلوول
دلوول : هلا والله هلا
دانه : هلا فييج
دلوول : شلوونج شخبارج
دانه : بخير وانت
دلول : انا تماام دام انتي تمام
دانه : امممم دلوول شرايج تيين لي بعد شوي عالساعه 6
دلوول : لاا ما اقدر انتي تعاليلي لانه رفيجاتي بيوون
دانه : ويي لا فشله ما اعرفهم
دلوول : ايي عادي تتعرفين عليهم
دانه : خلاص ماشي عالساعه 6 ونص انا عندج عطيني العنوان
دلوول : اي هاج العنوان
خذت دانه العنوان وكانت الساعه 4 ونص
راحت دانه تسبحت
وسوت شعرها ستريت ولبست نفنوف وردي ضييج لي فوق الركبه في فيونكه
وراحت ويا السايق

عند فرح
فرح : يمه مساع رن التليفون منو كان ؟
ام فرح : تعالي يافرح قعدي يمي
فرح : خير يمه
ام فرح : انا ابيج تقطعين علاقتج بهذي اللي اسمها دانه
فرح : نعم ! يمه من صجج هذي رفيجتي من يوم احنا صغار
ام فرح : ايي بس البنت صايعه وكفايه اهلها مايدرون عنها
فرح : يمه اهيا خوش بنت صدقيني
ام فرح : خلاص قتلج تبتعدين عنها فاهمه :mad:
فرح : خلااص اوكي وراحت دارها

بيت دلال
فطووم : منو هذي اللي بتيي ؟
لولو : الا صج ما عرفتينا عليها من قبل :\
دلول : اقول ماجنكم كليتوني يبا كل السالفه هذي وحده وياي بالثنويه عاجبتني وصارلي فتره اكلمها
فطووم : ظبطيها لج
دلوول : مو انا شبسوي ؟....... لحظه شوي طق الجرس يمكن اهيا
راحت دلال فجت الجرس الا دانه
دلال : اهلا اهلا نور البيت
دانه : هلا فيج بوجودج حياتي
دلال : والله انتي حياتي ها شلونج شخبارج
دانه : تمام الحمدالله
دلال : تعالي غرفتي
دانه : اوكي
دشوا غرفت دلال
غرفتها كانت كبيييييييره وفيها قعده وسرير وحمام
فطووم : هلا وغلا
دانه : هلا فيج
وسلمت عليها وعلى لولو
لولو : شلوونج
دانه : الحمدالله وانتي ؟
لولو : تمام انتي دانه صح
دانه : اي نعم وانتوا
دلال : اعرفج عليهم هذي فطوم تقدرين تنادينها فهود
وهذي لولو
دانه : اهاا
فطوم ( بويه نكها فهوود سمره شعرها بوي صابغته ثلجي جسمها جسم ريال لوول )
لولو ( دلووعه شعرها اشقر ويفي و ضعييفه وعاديه مو حلوه )
قعدت وياهم دانه واستانست واايد

البارت الخامس
نروح حق حمني
كان ناااااايم ومصكر الليتات والدار بااااارده
فجاه يرن التلييفوون
شاله بصوت نايم : الوو
الا صوت وحده : الوو
حمني : يا هلا
......: ويي الرقم غلط اسفين وصكته
حمني : ياحليلها شكلها على نياتها
رد نام عقب 5 دقايق الا يرن تليفونه
فز عباله اهيا ولا يطلع رفيجه نصور
حمني : هلا
نصور : هلا فيك تطلع
حمني : وين ؟
نصور : احنا والربع بنروح القهوه
حمني : اوكي مرني انت مالي خلق اسوق
نصور : اوكي
راح حمني خذله شور وكشخ وطلع


عند دانه
دانه : يلا بنات انا تاخرت بطلع
دلوول : تو الناس
دانه : لوول والله دخت عقب الرقص
دلوول : ههه عاد انشالله استانستي
دانه : ايي اشوه يلا جاو
الباجي : جاو
ردت دانه البيت لقته فاضي
راحت حق جوري مالقتها انصدمت حتى الخدامه مو موجوده
دقت على جاندرا ماترد
اخترعت اقعدت تنطرها لين اتيي
صارت الساعه 11 الا تدش جاندرا باييدها الجوري
دانه : جاندرا وينج انتي وين موديه جوري؟
جاندرا : انا يروح ماكدونالز اهي يبجي ماكو احد يبي يطلع بعدين انا ودي ماكدونالز يستانس اهيا
دانه : اهااا اوكي نوميها باجر وراها روضه
جاندرا : اوكي


صارت الساعه 12 ونص
ودانه كانت بفراشها بتنام ولا تسمع صوت باب البيت يتبطل وكان الصوت عالي
نزلت ولا تلقى عمور وكان حده خدراان
دانه : انت وين كنت ؟
عمور :كنت ويا ربعي ذلفي عن ويهي بروح انام
دانه : روح ماسكتك انا
عموور : اييي جبي زين وراح
دانه : الحمدالله والشكر انا شكو فيه والله الشرهه علي انا اللي اساله
وراحت نامت
بالبيت والكل نايم يتبطل باب البيت الساعه 5 الفير ويدش شخص معاه اغراضه

صارت الساعه 6 او نص الصبح قامت دانه لبست بتروح حق المدرسه لبست وقعدت جوري بدلت وراحت اهيا وجوري بيتريقون انصدمت بشخص قاعد يقرا جريده
دانه : يبااااا
بو عبدالرحمن : عيون ابوها
دانه : راحت لمته يبا وينك لا احد يسال عنه ولا شي
بو عبدالرحمن : ايي انا بسالج امج وينها
دانه : يبا مادري اهيا من عقب ما صرت انت تسافر كله تسافر وترد تقعد اسبوع وتسافر شهر
بو عبدالرحمن : شنووووووووووووو ياسلاام وانتي ليش ماقلتيلي
دانه : يبا انا ادق عليكم ابي اسلم محد يرد
بو عبدالرحمن : اي خير خير انشالله وين عمور
دانه : مادري عنه روح قعده انت انا بطلع باي
بو عبدالرحمن : بايات
راح بوعبدالرحمن وقعد عمور
عمر : يبه
بو عبدالرحمن : اي انا ابوك يلا قوم وراك مدرسه تاخرت
عمر : ها اي اي كاني الحين بقوم
وبقلبه : اووف شهالعله اللي ابتلشت فيها
لبس عمر ملابس المدرسه وخذا جنطته طلع الكتب وحط بدله وعطر وجل
السايق قط عمر عالمدرسه طبعا عمر مادش افتر ووقف باحد مصافط البيوت ودق على ضروي
ضروي : هلا بالحبيب
عمر : هلا فيك اقول انا بالبيت اللي جدام المدرسه تعال اخذني وخل نطلع
ضروي : اوكي از يو لايك الحين امرك
عمر : يلا ناطرك
يه ضروي خذا عمر وراحوا تريقوا بمرينا كرسنت
طبعا عموور بايق الكرت مال ابوه من دارهم حزت ما ابوهم كان مسافر واهوا يعرف الباسوورد
وكل شي يبيه عليها
خلصوا طلعوا قعدوا عالبحر
ضروي : شرايك نروح مارينا مول
عمور : تستعبط احنا وينا
ضروي : ياحمار احنا بكرسنت
عموور : اهاا اوكي
ضروي : ندش نروح الجسر
عموور : وييه لالا مالنا خلق خل نعبر الشارع
ضروي : اوكي
وصلوا عند الشارع
ضروي يلا خل نركض
ركضوا وعبروا الشارع اللي رايح اللي بيعبرون اللي راد
عمور وضروي ركضوا بس عمور تعربج وطاح ويت سياره ما انتبهت له ودعمته

عند حمني
كان قاعد عالبحر بروحه ويفكر باللي دقت
حمني : ادق عليها ولا لا بس اهيا خوش وحده وشكلها مو مالت هالسوالف بس انا اذا بكلمها ابيها بالحلال وراح احبها واحطها بعيوني
وقرر انه يدق
.....: الو
حمني : هلا وغلا
.......: منو معاي
حمني : ممكن نتعرف ؟
.........: اسفه واحترم نفسك ولا تدق مرثانية
وصكته بويهها
حمني بقلبه ( اييه هذي البنت السنعه حبيتها :$ )

البارت السادس
عند دانه
كانت بالحصه واهيا بالعاده يم فرح استغربت من فرح انه مغيره مكانها وقاعده اول شي
كتبت وبورقه : فروح شسالفتج مغيره مكانج ؟
وقطتها على فرح
دانه كانت مستغربه منها
فرح ماشافت الورقه لانها كانت سرحانه تفكر بكلام امها
( ايي والله دانه متغيره وايد وصايره تمشي ويا بويه وقصرت نفنوفها المدرسه وخصرته انا ببتعد عنها خصووصا انه مستواها قل )
طبعا دانه خلت نفنوفها لي الركب وشقه لي فوق الركب واذا كلمووها الابلات تقول اهلي شايفيني

عقب الحصه
دانه : فرح ....... فرح
فرح : نعم دانه
دانه : شهالنفسيه شفيج
فرح :مافيني شي تبين شي ولا بمشي
دانه : امشي امشي مالت علج
فرح : احترمي نفسج دانو
دانه خزتها من فوق لي تحت بنظره حقاره ومشت

عند عمور بالمستشفى محد يدري عنه
الدكتور : انت منو
ضروي : انا رفيجه اسمي ضاري
الدكتور : واهوا شسمه
ضروي : اهوا عمر الفلاني
الدكتور : تعرف رقم بيتهم
ضروي : ايي 25.......
الدكتور : اوكي
طبعا ضروي خاف ان يكتشفون انه عمر فيه شي من الحبوب و يجكونه فـ شوي شوي انحاش

بالبيت يرن التليفون محد يشيله
اخر رنه يت جاندرا تركض شالته
جاندرا الو
الدكتور : الوو وين بابا
جاندرا : ماكو بيت
الدكتور : انزين جم رقمه
جاندرا : .........922

عند دانه قاعده بالفرصة بروحها ومنفسه مرت عليها دلوول
السلام لله
دانه : هلا دلوول
دلول : شفيج
دانه :ماكو سلامتج
دلوول : تقصين على منو قوليلي شفيج ؟
دانه : بس قتلج مافيني شي
دلول : فيج شي
دانه : تعرفين فرح ؟
دلول : اييييي وييييع هذي اللي بصفج النفسية ؟؟
دانه : اييه
دلول : شفيها ؟
دانه : صايره نفسيه وماتكلمني ولمن ادق عليها ماتشيله :mad:
دلوول : وييييه خليييييها تولي عندج طلوول وتروحين حق هالخبله
دانه : فديت الثقه اناااااا
دلول : فديت من يفداني
دانه : ههههههه :$
دلووول : اسمالله عليج يالمستحية
دانه : جب بس عاد
دلوول : شرايج ننحاش السادسه والسابعه
دانه : ليش
دلوول : ننحاش ونقعد ويا بعض ونستانس احسن من الدراسه
دانه : خلاص عيل اوكي
دلوول : وييييييه شتبي هالبنت يايتلي ؟
.........: قوه
دلوول : يقويج منو ؟
......: صراحة انا وحده وابي اكلمج بروحج
دلوول : ماله داعي تكلمي مني
.......: ترا انتي حدج اتينين وبصراحة انا معجبه فيج وابي رقمج : )
دلول : اي اوكي عندج ورقة وقلم ؟
........: ايي هاج كتبي رقمج
دلوول كتبت رقمها وعطتها
.........: مشكورة بس ماتبين تعرفين اسمي ؟
دلوول : شسمج ؟
.........: حوور :$
دلوول : عاشت الاسامي
حوور : عاشت ايامج ان شاء الله بدق عليج اليوم
دلوول : دقي
حوور : يلا فمان الله
لفت دلوول على دانه بس مالقتها
دلوول بقلبها : ( اكييد زعلت )
وراحت تدورها
بس مالقتها
دلوول بقلبها : ويييه راحت علي كنت بتحرش فيها بس ماعليه مرثانيه

في احدى شركات الكويت
بوعبدالرحمن : انت فكر بالموضوع بعدين ردلي خبر
بوفيصل : اشووف واقولك
بوعبدالرحمن : خلاص انا ناطرك
رن تليفون بوعبدالرحمن
.........: الو
بوعبدالرحمن : الو ياهلا
............: معالك مستشفى ال*****
بوعبدالرحمن : خيير عسى ماشر
المستشفى : والله ولدك عمر بالعنايه المركزه في سياره دعمته
بوعبدالرحمن : هااا يايك يايك


بالمستشفى
بوعبدالرحمن : ها دكتور طمني شفيه ولدي
الدكتور : والله حالة ولدك خطرة
بوعبدالرحمن : اهوا شفيه شصايرله
الدكتور : ولدك مسوي حادث
بوعبدالرحمن : حادث !! الحين الساعه 1 واهوا بالمدرسه شلون الحادث
الدكتور : اسف بس بقولك انه الحادث صار على شارع الخليج ومعناته ولدك ماكان بالمدرسه
بوعبدالرحمن افتشل انه ولده مو رايح المدرسه
عند عبدالرحمن
دش محاضرته وقعد
الدكتور ينادي كشف الغياب : عبدالرحمن
عبدالرحمن :نعم
الدكتور : انت تدري انه صارلك اكثر من اسبوعين غايب بدون عذر
عبدالرحمن : اي نعم
الدكتور : عندك عذر طبي
عبدالرحمن : لا دكتور ما عندي
الدكتور : انا اسف بس انت عندك غيابات وايد وصلت للحرمان وراجعني بالساعة المكتبية
عبدالرحمن : ماشي دكتور

عند دانه صار الهده وردت البيت
بدلت وقعدت تتغده يوم خلصت
دانه : جاندرااااااااااااااااااا
جاندرا : نعم
دانه : وين عمر
جاندرا : مادري بابا سوي كلام يقول لا تروحون تاخذونه
دانه : غريبه خلاص شيلي الاكل انا ادق على بابا

دانه : الو هلا يبا .... وينك ؟
بوعبدالرحمن : هلا بنتي ... انا بالمستشفى
دانه : ليش عسى ماشر
بوعبدالرحمن : اخوج عمر بالعنايه المركزه
دانه : شنووو يبا انا الحين بخلي السايق اييبني
بوعبدالرحمن : ايي اوكي انا انطرج

___________

لبست دانه ووصت الخدامه على جوري وراحت المستشفى
دانه : يبا وينه عمر
بوعبدالرحمن : بالعنايه المركزه طلي شوفيه
دانه شافته وبجت
دانه : يبا عبدالرحمن درا عن عمر
بوعبدالرحمن : لاا ماقتله دقي قوليله
دانه : ماشي

عند عبدالرحمن كان قاعد ويا ناصر ورن تليفونه
عبدالرحمن : الو هلا دانه ....شفيج تبجين تكلمي عدل شصاير ........شنوو عمر الحين انا ياي اي مستشفى ....ثواني وانا عندكم باي
ناصر : عسى ماشر شفيك فزيت وقمت فجاه
عبدالرحمن : عمرر بالمستشفى انا بروحله
ناصر : انا ياي وياكـ
وراحوا المستشفى
قاعدين ينطرون الدكتور يطلع
طلع الدكتور : انتوا اهل عمر ال........
بوعبدالرحمن : ايي نعم شفيه
الدكتور : عمر حالته صعبه ولازم نسويله عملية
منو ولي امر عمر ؟
بوعبدالرحمن : انا
الدكتور : تفضل وياي
بغرفه الدكتوور
بوعبدالرحمن : دكتور متاكد هذي تحاليل ولدي يعني اهوا شعرفه هالسوالف
الدكتور : اي نعم عقب ماسوينا الفحوصات اللازمة تاكدنا انه ولدك مدمن
بوعبدالرحمن : بس دكتور ولدي شلون يصير مدمن ؟ من ويله المخدرات :\
الدكتور : عاد هالسوالف ترجع حق الشرطة واول مانسويله العملية ويقوم بالسلامة راح ايي المحقق يحقق وياه
بوعبدالرحمن : لا حول ولا قوه الا بالله
طلع بوعبدالرحمن من عند الدكتور
حمني : يبا شقالك ؟
بوعبدالرحمن : مادري شقولك بس عمر مدمن وقعد يبجي
دانة : مدمن
حمني : هذي اخرتها فيك يا عمر
دانه : خلاص يبا هد وحمني بس عاد شفيك وغمزتله يعني اسكت
حمني : انزين يبا شصار عالعملية ؟
بوعبدالرحمن : انا بسفره برا
حمني : وانا بسافر وياكم
بوعبدالرحمن :وخواتك منو يقعد عندهم ؟ خلك انت عندهم وانا بروح ويا عمر
حمني : خلاص تبي اروح احجزلك
بوعبدالرحمن : ايي عفيه احجزلي بلندن
حمني : اوكي انا اضبطلك موعد مناك
طلع حمني ويا ناصر لانه كانوا يايين بسيارة ناصر
حمني : نصوور قطني عالبيت انا بروح بسيارتي
نصور : لا يبا شدعوا انا بوديك ؟
حمني : لالا تعبتني قطني على بيتنا
نصور : دامك مصر انك ترجع البيت بعد شسوي راسك يابس
________
بالمستشفى
بوعبدالرحمن : دانة ردي البيت نامي ودرسي
دانة : لا يبا خلني قاعده مني
بوعبد الرحمن : اخاف تتعبين وانا ابوج
دانة : لا تعب ولا شي

عند دلوول
كانت تدق على دانه بس محد يرد لانه دانه كانت ناسية تليفونها بالبيت
دلوول : ماكو حل غير اني اروحلها
راحت دلوول حق دانه
طقت الجرس
فجت جاندرا الباب
جاندرا : منو يبي
دلوول : دانه وين
جاندرا : دانه اكو مستشفى
دلوول : شفيها ؟
جاندرا : عشان عمر اكو تعبان
دلوول : انتي مايعرف اي مستشفى ؟
جاندرا : هذا مستشفى كبير صوب بحر ممكن
دلوول : اي اي فهمت
دلوول بقلبها ( ههههههههههه اهم شي قصدها الاميري )
طبعا دلووول قالت لازم اروح لها بالمستشفى
بالمستشفى
بوعبدالرحمن : دانه يبا انتي بتمين قاعده مني لي متى
دانه : يبا انا بقعد لي 8 لمن تخلص الزيارة
بوعبدالرحمن: خووش عيل انا الحين بروح الشركة وعال 7 ونص برجع وانتي روحي البيت
دانه : اوكي
بوعبدالرحمن : ديري بالج باي
دانه : بايات

عند دلال
سالت عن غرفه عمر وقالولها انه بالعنايه المركزه راحتله ولقت دانه
دلوول : دانووووووووووووووو
دانه : هلا والله
دلوول : مسكين اخوج
دانه : اي الله يعينه
دلول : دانو انتي كنتي زعلانه علي بالمدرسه
دانه : ايي صج خل تنفعج حوور
دلوول : دندونتي ترا عادي انا كلا جذي كلا اييولي بنات بعاشر معجبين انا شذنبي ؟
دانه : لا تعطينهم ويه الحين انا عندج وتروحيلهم
دلوول : ياشين الثقه
دانه : لووووووووووووووول
وقعدوا يسولفون بعدين استاذنت دلوول وراحت

عند نصور من عقب ما وصل حمنيو بيته وراح يمشي بممشى مشرف
خل اتكلم شوي عن ناصر
ناصر ( انسان خلووق جدا ومتفوق واهوا داش هندسة رفيج حمني من الثنوية اسمراني جسمه رياضي بس اينن يطيح الطير من السما لوول )
نصوور كان يفكر
مشالله اخت حمني حلوه واحسها مره سنعه بس الله يعينها على هالظروف محد مهتم فيهم ولا شي والله مساكين وهذا عمر الحين مدمن ومسوي حادث هذا عقاب لهم وعمر بين الحيا والموت )

بنااااااات اعذروووووني هذا اللي قدرت اكتبه والله تعبت