خالـــــــــتي ساحره ونســــــره

خالـــــــــتي ساحره ونســــــره
الا ياوقت وين اللي علي بالي يجي ويروح هذاك اللي مادري شنو ناسيتها المهمممممممممممممممم شلونكم وشخباركم

ادري الحين الكل بيقول نونو شايله بخاطرها علي خالتها وتقول عنها ساحره وادري بعاضيكم يقول شطاري عليها نونو تغني طربانه وداشه تشكي من خالتها

شوفوا يابناتي الموزوع ومافيه اني يبت لكم سالفة طازه من حلج رفيجتي ليما المنتدي ولوماعرف هالبنت وشايفه شصاير فيها جان قلت شزابه شزااااااابه بس والله اللي صار صج وصج وصج وصج

رفيجتي ام سلمان المسكينه هذى عرست علي شريجتين وساكنه ابروحها وريلها يحبها يموت فيها ويابنت منه بنت وولد بس اهل ريلها مايواطنونها موووليه خالتها فيها عرج بوعرقه وتسوي طبوب وسحور وبلاوي وياما شافت شغلات غريبه عجيبه ابيتها والبنت للأمانه ملتزمه وخايفه ربها بس مادري ليش مالها حظ خنت حيلي
المهم تقول قبل مده شافت قطعة لحمه طايحه بالحوش وتقطر دم مبينه الهبره طازه ويديده تحلف وتقول رحت انادري ريلي يشوف اللحمه من وين يتنا بالحوش والا فيها دود يسري يدش يمين ويطلع يسار تقول ريلي عقبها اعتفس وانقلب حاله تقول انا رحت حق القطان وقلت له السالفه وعطاها ادعيه ورقيه حق البيت تحصنها تقول عقب فتره شهر ريلي رجع طبيعي ولاجنه ذاك المصرقع وصار معاها احلا من السمن عالعسل تقول عقب مده شافت بيض ورماد اسود بالحوش البنت ماعندها خدامه ولاعندها احد تقول اللي مستغربه منه ان هالسوالف تنقط بالبيت بطريقه مرسوومه يعني عن عتبة الباب والا يم غرفة النوم تقول انا متأكده ان البيت نظيف ولاعندي احد يوصخ اشياب البيض من الثلاجه عند غرفة النوم تقول شاب رااسي وينيت قريت الرقيه والادعيه والقرآن علي طوول بالبيت يشتغل وعلي فكره تقول عقب كل سالفة غريبه ريلها ينقلب حاله فووق تحت ويتعومس كلمتها انا البارحه بالليل يوم قالت وحده من البنات عن الحصبه بالسالميه قالت انها متهاوشه مع ريلها هووشه جايده وضايق خلقها عاد دقيت اشوف اشفيها اليوم جان تقول والله والله يام علاوي لقيت قنفذ بالبيت وحلجه مخيط قاطينه بالحوش اناطقتني البوهه قلت قنفذ متأكده جان تقول تعالي شوفيه قلت لها لوتموتين ماييتج اخاف يلبسني القنفذ ماتسوا علي ظهري يطلع فيه شووك هههههههههههههه
المهم تقول من يومين هالقنفذ بارك بالحوش مايتحرك بس عينه اتلاقط وريلي قايل لي الظهر برجع ابي احلا مطبق سمج من ايدج تقول رجع من دوامه كسر الصحون وعفس المطبخ وخذا هدومه وطلع وكلما دقيت عليه يحاجيني ويبجي يقول ولهان عليج وعلي البيت بس مادري ليش لي شفتج ماواطنج


قلت لها شوفيلكم حل قالت مالي غير رحمة ربي والدعاء والقرآن وغير هالشغلات ماراح اسوي واهلها مايدرون تقول مابي اهلي يعرفون باللي قاعد يصير لانها مومعودتهم يتدخلون بخصوصياتها واشرايكم بالموضوع