المرأه و الحق الشرعي في الفراش ... رجاء للمتزوجات فقط ...

المرأه و الحق الشرعي في الفراش ... رجاء للمتزوجات فقط ...

السلام عليكم حبوباتي .. أول شي البنوتات لوسمحتوا لا تكملون الموضوع .. عن جد ما يصلح إلا للمتزوجات ..

الموضوع شوي محرج و آنا حاولت قبل لا أكتبه إني أثقف نفسي فقمت أتصفح بالنت لين وقف راسي من إللي حصلته من المواقع الأجنبيه و العربيه ...
أول شي ... العلاقه الجنسيه بين الزوجين تكون موده و تعاطف بينهم وفي نفس الوقت لإشباع الغريزه و الإحتياجات الجنسيه لدى الطرفين ... حلو هالكلام لي هنيه ..؟؟!!! :eh_s(22):
و إسمحولي عالألفاظ التاليه ...
بس المشكله تكمن بالتالي .... لما الريال ما يعطي المرأه حقوقها كامله شنو بيكون موقفها و ردة فعلها في ذاك الوقت ؟؟
لما الريال يوصل المرأه لمرحله معينه من الإستثاره ثم بعد القذف يقوم و لا كنه في آدميه جدامه ... و يحرمها من الوصول للنشوة النهائيه إلي هو وصل لها بفضلها هي ..
إعذروني على هالألفاظ ... بس لا حياء في الدين .. و بعدين هالموضوع تشكولي منه كذا وحده من رفايجي و عشان جذيه قررت أدور ورى الموضوع بالنت ....
أول شي خن أقولكم سالفة رفيجتي .. ريلها يحبها و هي تحبه بس بالفراش ينقلب الوضع و يصبح ريلها أناني باحث عن المتعه لنفسه .. قلت لها أغلب الريايل جذيه .. بس تقولي ما يبي يتعب نفسه باي شي كله يقولي إنتي الأميره سوي إللي تبين ..!!!
تقول أول مره قلت يمكن يبي يسوي نفس أفلام البورنو إن المره تكون ساديه بس تقول ما قدرت أتحمل الدور أكثر من جذي.. مع مرور الوقت قمت أحسن إني آنا الريال مو هو و ما عنده إلا حركتين و إنتو عارفين شنو و لاعت جبدي من الفراش و أستحي أقوله غير الحركه بس عقب ما مرت سنه على نفس الحال لاعت جبدي و قلتله غير حركاتك جان يقول لها شتبين إنتي ؟؟؟؟!!!! آنا ما أعرف شلون تبين؟؟؟!!! تقول حسسني كأني آنا عاهره و هو الشريف مع إنه حق عليه و طاح ويهي من عقب كلامه وقمت أكره أنام معاه و كل ما ياني أتنحش عنه و أسبب لي مشكله لأني مو قادره أتمتع معاه و إذا إستلم هو زمام الأمور خمس دقايق تلقينه بالحمام ياخذ شاور ... المهم تقول أغواني بليس عالعاده السريه و مشاهدة المواقع الإباحيه عالنت .. المسكينه تقولي يا فلانه دعيت ربي و آنا أبجي ما أبي أموت و آنا جذي و بنفس الوقت ريلي كلمته كذا مره و الله ما ينفع معاه و إلا في ريال خلال العلاقه الخاصه يمسك التيليفون عشان يشوف الساعه جم وراه دوام الصبح ؟؟؟ و بعدها يدق تيليفونه ويروح يشيك منو إللي متصل؟؟؟ و بعدها يروح يضبط الساعه عالمنبه و المره جنها طوفه هبيطه فوقه ؟؟؟؟؟؟ تقول من القرف حسيت إني حقيره جدامه جني بهيمه أعزكم الله جان أقوم و هو يقولي شفيج كملي ....؟؟؟...!!!!....
آنا بترك الرد على هالسالفه لكم إنتم و أدعولها بالهدايه لأنها كانت تبجي بجي تقول ريلي هو إللي وصلني لهالمواقع و إللي أحاول أنقطع عنها مع إنها سبحان الله دين و جمال و أخلاق و ملتزمه باللبس الشرعي .....
أما عن النت فدخلت كذا موقع عربي بس ما كان فيه ذيك المعلومات بس كان فيه تثبيت التحريم للإستمناء سواء للرجال أو النساء و إن الله لا ينظر لسبعه يوم القيامه من بينهم (( الناكح بيده )) و يسمى (( نكاح اليد )) والله ناسيه إذا كان حديث أو من الصحابه و إن الإسلام حلل هذا شي إذا كان الزوج يقوم بذلك لزوجته أو العكس من باب المداعبه و إن مافي شي حرام بين الزوجين إلا إتيان الدبر و إتيان الحائض..
و دخلت كذا موقع أمريكي من بينهم موقع Dr. Phil رد الدكتور على مرأه مشكلتها إنها مهما سوى البوي فريند مالها ما تقدر توصل للنشوه فكان رده إن هالشي بسبب التوتر إللي تعيشه المرأه خلال العمليه الجنسيه .. تكون مبرمجه نفسها إنها تسعد شريك حياتها حتى القذف و لكن لما يتعلق الموضوع باحتياجاتها تبدأ تتوتر و تخاف و تفكر من ردة فعله لما تسوي حركه معينه هل ينظر لي إني مثيره ؟؟ هل ينظر لي إني عاهره ؟؟ هل ينظر لي إني مدعيه ؟؟ تبدأ تشتت ذهنها على مخاوفها و المفروض بهالوقت تكون متجاهله حتى رأي الشريك و تعيش اللحظه مثل ما هو عايشها ...
مجله marie clair البريطانيه نشرت مشكلة إمرأه لم تصل للنشوه مع البوي فرند أبد حتى لو إستخدم يديه و لكنها كانت قادره على الوصول لها بالعاده السريه عن طريق يديها خلال دقائق ... تقول هل أعاني من مشكله شنو الحل ؟؟!!! ... فكان رد الأخصائيه إن ما فيج مشكله و لكن أعداد هائله من النساء يقولون إنه من المستحيل عليهم إنهم يوصلون للنشوه مع شريك حياتهم .. و إنه معتقد خاطئ إللي يقول إن الريال قادر على إيصال المرأه للذروه في نفس الوقت إللي هو راح يوصل فيه .. و إن المرأه بالغالب تحتاج من 10 دقائق إلى ربع ساعه من المداعبه المثيره حتى تصل إلى تلك المرحله لكن الرجال لا يتطوعون بوقتهم بما يكفي و يشعر بالملل من كثر المداعبه .. و إنه كلما قلقت المرأه من موضوع النشوه كلما قلت فرصها في الوصول إليها مع شريك حياتها .. عاد الأخصائيه الفالحه شكان حلها ؟؟؟؟؟
قالت لها مارسي العاده السريه أمامه حتى تصلي إلى مرحلة اللاعودة وحاولي تجاهل وجوده .. حتى يعرف بالضبط إنتي شنو تبين و شلون توصلين للي تبين ..و بعدين خليه يطبق .. و إذا نفع .. تدريجيا في المره القادمه طبقوا إللي تعلمتوه في العلاقه الجنسيه الكامله بينكم ...!!! و راح تعرفين إن الشوشره ما كان لها أي معنى من البدايه ..!!!!

إنتوا شرايكم برأي الدين و بالسالفه و بأراء الأطباء النفسيين ؟؟؟
و سامحوني إذا حسيتوا إن في تجاوز بالألفاظ ...