كويتيات انا منقهرة بليز دشو وشوفولي حل معاها والله العظيم صج تعبت

كويتيات انا منقهرة بليز دشو وشوفولي حل معاها والله العظيم صج تعبت

هاي بنوتات شلونكم


بدخل بالموضوع بسرعة لأن طاعوا الحين الساعة 4 ونص الفير وحدي منقهرة وضغطي الف ومعدتي من الحرة شابة علي بس صج مادري شسوي
تخيلو الموقف اللي انحطيت في ولا تلوموني ما انبط :eh_s(14):



توها قبل ساعة دقت رفيجتي وكالعادة تشكي من ريلها شوفوا معاي الموقف دقت ومضايقة من ريلها وكالعادة مسلسلها اليومي من الشكاوي عنه اهيا ما عندها غيري تشكيلة انا كل يوم اهديها واصبرها قعدت ادردش معاها جان تنبجي وتقولي انا كل شي حصة معطيتة واهوا مقصر بكل شي انا ادري انة مقصر بشكل خيلي وما اتوقعونة مستحيل بنت اتحمل مثلها ريلها ماكو منة بالعالم ظالم وحقير بشكل والله ما اتوقعونة المهم كل هذا يهون واتحملة بس شوفوا البلوة اللي انصعقت منها @@ :eh_s(2):


قاعدة تشكي وتقول انا حتى وكالة عامة معطيتة :eh_s(13): انا صار فيني عقر بقر قتلها لحظة شقلتي...؟ وكالة عامة ليش ...؟ انتي مينونة او فيج شي @@ قالت عطيتة وخلاص @@ جان تقول انا حتى بطاقتي البنك عنده وانا معطيتة وكالة بنكية بعد عشان اي شي او معاملة يبي يسويها بالتوكيل البنكي @@

انا انجلطت قتلها لحظة شوي شوي شتقولين @@

تقول انا اصلا ماخذة قرض عشان بيتنا @@

بنات بس مخي بينفجر بنات والله هذا حرام علي كلمة ريال تخيلو بو البنات وحقير ومقصر معاها بكل شي ما يحبها يقولها انا مقعدج عشان العيال تخيلو حتى بابسط حقوقها السوالف ما يسولف معاها بالفراش يقولها ترى مالي خلقج واهيا اجمل واحلى منها ماكو تبارك الرحمن بنات والله لو اسولف اعييز والله يشيب راسكم منة بنات انا ينيت والله اصرخ بهلفير منها اقولها انتي غبية انتي مقصة انتي هبلة انتي خاتم بصبعة يمشيج على كيفة بنات انا قتلها في احد يدري تقولي لأ بس انتي قتلها يا سلام كملت بعد ما احد من اهلج يدري آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ والله شبيت :eh_s(14):
لا واسألها ليش ما قلتي حق احد تسكت بنات انا لا شعوري انفجرت عليها جان اقولها "انتي مصخرة" بنات انا موقصدي بس والله انقهرت بشكل خيالي اشوفها تضي واسكت جان اتضايق وتقول "الشرهة علي داقة وقايلتلج اسفة بااااي" جان تصكة ادق جهازها مغلق :eh_s(2): مادري شسوي اووووووووووف بنات انا قتلها تروح السبت تلغي كل الوكالات قالت اوكي بس اخاف ما تسوي و:eh_s(2): من القهر دزيتلها مسج "سمعيني اذا الكل غافل عنج انا صاحيتلج وهبال اول خلي يولي اوكي ولا اشوف رقمج ليما تلغين كل الوكالات والا كل شي عند امج" مادري بنات شسوي والله اكتبلكم مو قادرة انام ولا اقادرة افكر بس قفلت والله تعبت مع هالبنت وعيزت منها والمشكلة عندها منة 4 مو شوية وكلهم يحبون ابوهم وكلا واقفين معاه مع انهم صغار :eh_s(2): شالحل ساعدوني بليز