هذي خلطـــه لتبييــض البشـره وتراهي مجــربه صديــقتي مجــربتها

هذي خلطـــه لتبييــض البشـره وتراهي مجــربه صديــقتي مجــربتها

ووحــده من قريبــاتي وبعطيكم الوصــفه والي تبــي تستــعملها ..

المقادير:صابونه غار مبشورة ناعمة جداً تنقعينها بكاس ماي ورد طول الليل عشان تذوب
علبة جلسرين السائل الشفاف من العطار
علبتين جليسوليد الأحمر كبار
فنجان قهوة زيت زيتون
فنجان قهوة زيت لوز
فنجان قهوة خروع
ملعقتين كبار كركم من العطار لاتستخدمون حق الأكل لأن صبغته قويه
علبه فكس صغيرة

**تخلطين كل المقادير خلط جيد أو بالخلاط لين تمتزج مع بعضها وحطيها بعلبة واستخدميها يومياً لمدة ساعتين للجسم والوجه
((وهي حتى تستخدمها للمنطقة الحساسة والإبط وشافت بياض مو طبيعي ونعومة وكل الآثار اللي بجسمها اختفت..
وهي تدهن على جسمها ولما تجي تغسله تفرك يالليفة اللي من بدي شوب اللي على شكل قفاز تقول( أحسن من الليفة المغربية )وتسوي صنفرة الملح مع عصير الليمون
يعني تخلط كميه ملح خشن مع عصير ليمون وتتفرك فيها))
تدرون ليش الخلطة ماحطت فيها عصير ليمون؟؟ لأنه يخيس يعني إذا تبين تضيفين عصير ليمون للخلطة اللي قلتها ممكن بس لازم تستعملينها قبل لاتخيس أهي ماتضيف عصير ليمون لكنها تستعمله بالصنفرة مع الملح عرفتوا..
وهي على فكرة أسوي حمام مغربي كل أسبوع عشان تزيل الخلايا الميتة وتجدد البشرة وحتى اللي تسويلها الحمام المغربي سألتها وش مسويه جسمك مختفية منه أثار الحبوب وصايرة بيضه تلقين بس ماقالت لها الطريقة لان الصالونات مايعلمون هم شيحطون للزباين خخخخخخ نجسه
]] بس لاتسألوني عن الخطوط وأثار الحمل لأني لامتزوجه ولافيني خطوط فما ادري إذا هالخلطة توخرهم ولا لا لكن إذا تبين بياض ونعومة جربي هالخلطة ممتازة خصوصاً للعرايس واللي عندهم مناسبة [[
ولاتنسوني بالدعاء الصالح
مآبي منكم إلا الدعاء