"سيدات الكويت" لماذا سورة البقره وهل ورد انها للمشاكل ؟؟

لسلام عليكم ورحمة الله وبركاته ...
احب اجيب على تساؤلات بعض الاخوات في سؤالهن لماذا سورة البقره وهل ورد انها للمشاكل ؟؟
اقولكم ان سمعت من الشيخ ناصر العمر ان الي يصير عنده مشكله بالبيت ويحس البيت متوتر جدا واحد يروح يقرأ البقرة حتى تطرد الشياطين لان اذا كان الامر كذلك وزادت المشاكل ذا معناه ان الشياطين اجتمعت ....
وعموما اي مشاكل وهموم و احباط يوم تقرأ البقرة تطرد عن نفسك وسوسه الشيطان وتصرفي كيده عنك .. وبالتالي تشعر براحة وطمانينه .....
غير ان اخذها بركة وتركها حسرة ....
يعني ال ييقرأها تكون له بركة بماله ووقته و جهده ........... واذا حلت بركة الله فماذا اجمل من ذلك
انا شخصيا من 3 اعوام داومت على البقرة ولم أكن اقصد أي شي سوى التقرب الى الله واختمها كل يوم بصلاه القيام واذا بي اجد توفيق لاتتخيلوه ولايوصف في حياتي والله انه كانت تصير معي اشياء لاأصدقها وكنت مره محتارة وش السالفه الى ان يذكرني الوالد ان ذا بفضل الله لانك تقرأ البقرة الا ان سمعت الحديث ان أخذها بركة فعلمت حقيقه ماأنا فيه ......
حتى تخيلو لي أوراق معاملة راحت الرئاسة ورجعت كل أوراق الموظفات الي معي الى انا ؟؟؟
ويوم مره رحت دائرة رسمية قوبلت باحترام شديد لدرجة اني شكيت بعمري لان شعرت انهم غلطانين بالشخص ومنتظرين حد معه واسطه وصار لي مواقف عجيييييييييييييبه
يمكن الحين اقراها من شهر ومره افرقت معي بس مو لذيك الدرجه الي كانت من 3 سنوات
واتوقع السبب لاني كنت اقراها بخشوع رهيب واقعد فيها تخيلو ساعتين ونص
غير الدعاء والوتر
وتصدقو قد ماربي باركلي فيها ان كنت اقوم كل يوم من النوم في تمام 2 ونص ليلا لمده شهرين والاذان حق الفجر كان بين 5 و5 ونص واواصل لموعد عملي ؟؟؟؟؟
والليل انام بين 9 الى 11 مساء ووالله مرات كنت انام بس من 12 الى 2ونص ومكنت الاشعله من النشاط التي لاتتخيلوها وكنت بارزه جدا بعملي واداوم دوامين بكل اريحيه ....
شفتم كيف البركة ....... عندي قصص كثير صارت مع اخواتي بالله بعد نصحتهم فيها ربي يعيني واكتبلكم منها .... وجزيتم خيرا

خر سالفه لاخوات بالله من اسبوع ونص تقريبا وحده من البنات الي اعرفهم مره نفسيتها تعبانه ومتدهوره وعندها فراغ كبير بالاجازه ومحجوزين بالبيت ولافي طلعه لان احوالهم المادية تدهورت ومشاكل بالعيله لدرجه ان خفت على البنت يصير لها شي او تنحرف لان مالها اي متنفس وبعدها قلت لها تقرا سورة البقره كل يوم و الله يابنات من نفس الاسبوع وبايام تغيرت نفسيتها كليا وقوي ايمانها وزاد تعلقها بالله واقبلت عالطاعات وتقول احس نفسي مره تغيرت وربي يثبتها ويزيدها خيرمع ان تفاصيل ظروفها مره صعبه يعني يكفي انها متتحرك من البيت ودايم في .... طبعا مو ذي مشكلتها في اشياء اكبر واكثر عندها .....