دعائي بالنجاح لبى لي الله طلبي بدء من امتحان علم الاجتماع

أخوتي هناك تجربة لأخت في الله عن أنا عند ظن عبدي بي...

حد فيكم جرب يدعي وهو موقن الاجاااااااااااابة .... انا لحد فترة قصيرة كنت مش فاهمة معني الكلمة دي وكنت بدعي زي اى حد لمجرد اني كنت كل لما اقابل اى مشكلة امي كانت تقولي ادعي ربنا .

الا أن جاء يوم و ربنا رزقني بأخت مسلمة ، رايت في وجهها خشوع وسلامة نفس وهدوء لم اراه من قبل ،وذلك اثناء صلاتي في المسجد وكنت بشكلها من نقطة اني بدعي وحاسة ان مافيش اجابة قالتلي استغفري ربك ولازم انك تكوني موقنة الاجابة وانتي بتدعي بصتلها كده ومكنتش فاهمة معنى الكلمة ..وجزاها الله عني خير وقالتلي انك تدعي وانت متاكدة ان ربنا هيلبيلك طلبك ...

والله والله من ساعتها مدعتش ربنا في شي وانا موقنة الاجابة الا و قد لبى لي الله طلبي بدء من امتحان علم الاجتماع في اولى جامعة واللي محلتش فيه غير سؤال واحد وربنا اكرمني ونجحت فيه وجبت تقدير بفضل الله ...،وامتحان علم النفس الفسيولوجي واللي كانت بتدرسه دكتورة كانت بتقسم في كل محاضرة ان محدش هيعدي من تحت ايديها وبدعوات الست الوالدة عدينا ،وغيره وغيره ،ونعمل كوارث كتيرة ومصايب وقبل ما دماغكم توديكوا لحد مرعي بتاع اللاكلمة يعني مصايب كده بتاعتنا في الجامعة منحضرش محاضرات ومنكتبش وراء الدكتور وحاجات كده مش زي اللي جه في دماغكم ، وفي الشغل ،وغيره وغيره والله ربنا بيسترها لاني سمعت حديث قدسي بيقول " أنا عند ظن عبدي بي فليظن بي ما شاء " ولقتها والله فرصة حلوة قوي انا زي اى بشر مليان بالذنوب ولو الدعاء بيستجاب للعبد الي مش بيذنب مكنش استجاب لي ولا دعاء ولكن لان بحسن الظن دايما في الله والحمد لله لم اخزل ابدا بفضله.

نصيحتي ليكم لو قبلتكم اى مشكلة خلوا ظنكم بالله كبير وادعوا وتذللوا ، ولوحد مر بيه موقف واكيد كلنا مرنا بمواقف وكنا موقنين الاجابة فيه ،ياريت تحكوا علشان نستفيد ونفيد وتحياتي ليكم وتمانيتي بتحقيق كل ما تسعون اليه