القهوة العربيه العصائر والمشروبات | منتديات كويتيات النسائية

القهوة العربيه العصائر والمشروبات | منتديات كويتيات النسائية

السلام عليكم الصراحه انا احب القهوة العربيه وايد بس ما اضبطها ابي اعرف شلون تسوونها لاني الصراحه في بيوت اتسويها مو طبيعيه وكان فيها بهارات بعد طعمها صج قهوه والصراحه استحي اسالهم شنو حاطين فيها ياريت اتعلموني وشكرا لكم جميعا

حنا نشتريها نيه وتنحمس وتنطحن في البيت

طبعا نحمسها ونحفظها بعلب مغلقه جيداً ووقت مانبي نطحن الكمية اللي نبيها ، طبعا نحط القهوه والماي فقط وعلى النار الين تغلي شوي وطفي عليها وتركيها شوي لين ينزل حثلها .

وبالمطارة حطي الزعفران فقط وصبي القهوه شوي شوي عساس لاتنحاس بالحثل بتطلع لج شقرااااااااااا ترد الروح ومزعفره .

واهم شيء ماتكون سوووودا .. طبعا في ناس يحطون حليب وناس مسمار .. بس دايم تقول امي قهوة الرياجييل والضيوف مزعفره بس والمسمار ان حطنوا ذواقه فقط .. كذلك الحليب موكل الناس تحطه وسلامتج يا الغاليه .

والله لو واصفة غوزي مو هالكثر

القهوة عندي في البيت شي اساسي جدا

اول شي اختيار البن يكون من نوعيه جيده ..يعني يا تاخدين يمني خولاني ااو هرري ..بس ترى الهرري اررخص

احمسها بالبيت و اطحنها و ممكن اتودينها مطاحن اهم يحمصونها و يطحنونها لج على الدرجه اللي تبينها

احط الماي و افور فيه القهوة ...و بالنسبه للمطاره انا ما احب اشرب قهوة في مطاره عندي بدلال السيف احلى ..
بالدله احط هيل مطحون ويا زعفران و مبيض ...و اصب عليه القهوة بشويييش اسلها سل عشان ما يطلع فيها حثل ....
و بعدين احط الدله على النار و افورها شوي ياما تقلب ....

طبعا انا احب اتفنن في النكهات اللي ازودها ويا القهوة ..مرات احط وياها 5 حبات مسمار و مرات دارسين او نخوه ....او جوزة الطيب بععد

بس في سر من اسراري الخاااصه بالفنجان الي على الكيف ...اني احط ذاخل الدله ورقه شيبه ..تلقونها عند الحوواج ...يطلع طعم القهوة عجيييييب كانها معطره


و حياكم