كويتيات الكويت عروس الخليج

كويتيات الكويت عروس الخليج

أولا لمحبي العيش ( الأرز ) والبرياني :

1-المطعم الهندي ( أشاز ) : مكانه : الجهة المقابلة لسوق المارينا مول تحت جسر المارينا على البحر- 
الوصف : مطعم هادي يعتمد على أضواء الشموع وخدمته خمس نجوم وراقي جدا جدا وأجواءه رومانسية يصلح للمتزوجين يتكون من طابق واحد وسعرة غالي إلى حد ما يعني البرياني الواحد تقريبا يوصل أربع دنانير بس عيبه الأغاني الهندية داخل المطعم و مافيه كبائن . 
افضل وجباته : برياني الدجاج واللحم مع صلصة الكاري.

2-المطعم الهندي ( تال ) : مكانه : المطاعم التي تقع يمين منتجع شيك الذي ينتهي بدوار البدع في السالمية .
الوصف : نفس مواصفات المطعم السابق بس الأغاني الهندية أحلى من أشاز ويتكون من طابقين . 
افضل وجباته : برياني الدجاج وبرياني اللحم .

3-المطعم الكويتي : فريج صويلح :مكانه : السالمية بجانب ماركس آند سبنسر ( سوق السالمية قبل المارينا مول ) 
الوصف : لما تدخل هذا المطعم تحس كأنك عايش بالكويت قبل النفط ايام الغوص بسبب الديكور الكويتي والبيوت القديمة ولبس العاملات الدراعة والثوب ولبس العاملين الدشداشة والوزار ما في اغاني بس ازعاج وزحمة حتى الصحون تسمع صوتها بشكل واضح فيه كباين واماكن مخصصة للرجال وسعره معقول جدا ورخيص بس والله وناسة خصوصا إذا عندك شايب أو الوالدة كبيرة راح تستانس على شاي الغوري العجيب والضيافة بعد الأكل بصب القفشة والقهوه العربية الأصيلة .
افضل وجباته : انصحك بمجبوس اللحم وبرياني الدجاج ومطبق الزبيدي ومطبق الهامور والقبوط والمرقوق ولاتنسون تحلون بالبلاليط .

4-المطعم الهندي ( مغل محل ) :مكانه : الفروانية – بعد مجمع المغاتير 
الوصف : مطعم ديكوراته عادية وسعره مقبول بس تعيش بأجواء الهند بسبب المهراجا ولبس العاملين والموسيقى الهندية وفيه كبائن.
افضل وجباته : برياني اللحم .

5-المطعم السعودي ( الطازج ) :مكانه : حولي بجانب سوق المعلم قريب من مجمع الرحاب .
الوصف : مطعم وجبات سريعة فيه كبائن .
افضل وجباته : كبسة الدجاج – وجبة الفروج المشوي.


ثانيا : المشويات :
1-مطعم ( فيلا فيروز ) :مكانه : الشعب – قطعة 8 – قريب من نادي فلكس للسيدات 
الوصف : أول مرة راح تندهشون من تشابه إسم المطعم مع وصفه لان فعلا كأنك داخل بيت المطربة فيروز المطعم هاديء من داخل وفيه صور للفنانة فيروز وطبعا الموسيقى كلها عبارة عن أغاني فيروز وفيه قسم للشيشة ومافي كبائن ومافي زحمة لأنه غالي وأكله شوية مايشبعكم.
افضل وجباته : الريش والشيش طاووق عجيب عاد انتو كملوا الطبق بـ (الحمص والثوم والسلطات والعصائر ) والله لذيذ هالمطعم .

2-مطعم ( النوخذه ) للمأكولات البحرية :مكانه : داخل فندق كراون بلازا في الفروانية
الوصف : والله راقي بس كله بحر في بحر من الهامور إلى المحار وغالي جدا يعني الشخص الواحد تقريبا 12 دينار، وفيه سله تحط فيها السمك والربيان طازج وبعدين تختار طريقة الطهي يعني ( مشوي مقلي بقسماط ) . 
افضل وجباته : على ذوقك والله حلو لمحبي السمك والبحر.

3-مطعم ( سراي ) :مكانه : مجموعة المطاعم القريبة من منتجع شيك بجانب دوار البدع .
الوصف : مطعم لبناني بحت حيث الديكور ولبس العاملين وكأنك في بيروت بس فيه عيب كبير أماكن الطاولات غير مرتبة وصغير مع أنه طابقين وغالي جدا بس خدمتهم خمس نجوم .
افضل وجباته : كباب سراي – ريش – الحمص البيروتي .

4- مطعم ( الصفدي ) :مكانه : مقابل مصافط السيارات لمجمع المارينا مول .
الوصف : مطعم لبناني وفيه قسم للشيشة بالطابق الثاني مافيه كبائن بس تقدر تطلب حاجز ، والمطعم هادي ونظيف وسعرة معقول وفيه قسم عصائر يم يم.
افضل وجباته : الريش وكباب الخشخاش .

5-مطعم ( قيصر ) :مكانه : الفروانية والسالمية بس الفروانية لذيذ بجانب سوق العربيد للدراريع خلف جمعية الفروانية اللي بالسوق .
الوصف : هادي وبسيط وفيه كبائن وسعره غالي شوي .
افضل وجباته : ستيك ديانا لحم – ستيك قيصر – دجاج سيزلر – شوربة الدجاج بالذرة – و الخبز بالجبن موطبيعي .

6-مطعم ( شهريار) :مكانه : شرق 
الوصف : هادي وكبير طابقين وفيه كبائن حتى للعائلات الكبيرة وسعره معقول . 
افضل وجباته : كباب الكفتة والحمص مالهم لذيذ وجاط المشكل للموظفات حلو والله وراقي وعندهم بعد وجبة كلوب ساندويش بدينار وربع حلوة وخفيفة للفطور .

7-مطعم ( كباب الحجة ) :مكانه :
الوصف : للأسف المطعم تيك أوي يعني تطلب وتاخذ الطلب للبيت لأن مافيه قعده بس يستاهل العنوة ، وميزة المطعم انك تشوف العاملين من خلف الزجاج أثناء تقطيعهم للحم الخروف الطازج و وضعهم الكباب بالصيخ والشوي وماشاء الله كله عندهم زحمه .
افضل وجباته : طبعا أكيد الكباب .

8-المطعم المصري ( حسني ) :مكانه :حولي – مجمع زخرف - سنتربوينت





الوصف :كانك قاص تذكرة سفر للاسكندرية مجرد ماتدخل المطعم سواء الديكور والأغاني والأهم من هذا المأكولات المصرية والفرخة البلدي فيه كبائن وفيه قسم خاص للمأكولات البحرية تختار الصنف اللي يعجبك بالكيلو وتطلب بعدها من الشيف طريقة الطهي .
افضل وجباته : سمك موسى المقلي- رز معمر – كفته –دجاج الفحم واطلبوا مع المشاوي طبق توميه( يعني ثوم بس مؤنث وبالمصري - ثومية).
9- كناري
الحمص عندهم عجييييب

ثالثا : الوجبات .. كالبرجر وغيره

1- تشيليز : مكانه شرق والافنيوز وعدة اماكن اخري 
بصراحه الوجبات كلها عندهم حلوه وتلقون عنده تكساس فرايز رووووعه 

2- جوني روكتس : الافنيوز وتلقونه على شارع سالم المبارك يم الفنار
هم وجباتهم روووعه وعلى ذوقج ..

3- بيبيس بيتزا : الجابريه عند المول و السالميه يم فندق هوليدي ان وكذلك ابو حلييفه
الوجبات حلووووه عندهم واللى يزيدها حلا الشبس اللى عندهم بس البيتزا ما انصحكم تطلبونها 

4- شرمبي : بكل مكان واحلي تقدر تطلب وانت في البيت او تروح اي فرع من مطاعمهم
وجبة ساندويج الربيان رووووعه وخاصه مع صوص الترتار

5- فرايديز :
كل شي ع ذوقك

رابعا : البيتزا

1- ليتل سيزر : تقدين اتدقين عليهم وتطلبين منهم مكان الفرع اللى يناسبج.

البيتزا بأنواعها والمقبلات روووعه واللازانيا باللحم عندهم عجيبه


2- دومينوز بيتزا :
طبعا البيتزا

3- بيتزا هت 
بعد البيتزا 

خامسا: الشاورما

1- .. كويتانا .. يتفنن فيها .. من حيث الشاورما .. او الخبزة التركية اللذيذة .

2- شاورماتي : بالجابريه

3- الريف الشامي : الفروانيه
شاورما ع الصاج روووعه

سادسا:الفلافل

1- كنااري .. فلافل وفول وحمص ومخلل لا يعلى عليه 

2- الكلحه 
عليهم حمص لذييييييييييييييييييييد + الفلافل

3- زين الزاد 
الفلافل المحشيه رووووووعه + الحمص + الشبس


اتمنى يكون عجبكم الموضوع : )

كويتيات اشهر الوجهات السياحية في الكويت

مشكورة
ارقام بنات الكويت واتس اب للتعارف أرقام كويتيات مطلقات

بنات ابي رقم راعي ديكور

باي منطقة ؟