تعالوا شوفوا الرساله اللي طحت عليها بتلفون ريلي....يا مأمن الرجاله..؟؟

تعالوا شوفوا الرساله اللي طحت عليها بتلفون ريلي....يا مأمن الرجاله..؟؟

هالسالفة صايرتلي من سنه تقريبا ........

كل يوم افكر فيها .......

ما ادري شلون اتصرف ..او افتح الموضوع مرة ثانية مع ريلي ..

والسالفه هي ..:-

العام يوم سافر ريلي كان تلفوني مفصول ......فعطاني تلفونه عشان يتصل علي ...
طبعا قلت الريال واثق من نفسه ......... وماعليه شك اللي يعطيني تلفونه وفيه ارقام كل ربعة .........

المهم وهو بالسفر يدقون عله ربعه ...طبعا ما ارد ...في بعض الرقام مسجله باسامي ربعه ...وبعضها بدون اسم ...........

المهم ذاك اليوم دق رقم مارديت عليه كالعادة ........بس لما دز مسج ...فتحت المسج .......................؟؟؟؟؟؟؟؟؟؟؟؟؟؟؟ظ






شوفو شلقيت...............................











والله يابنات برد جسمي لما لقيته...................














يقول المسج ................((رد انا ريم ))


مع اني واثقه بزوجي مو مال خرابيط ابدا ...........ومامنه فيه ليش انه معطيني تلفونه .............يعني ما اشك فيه بالعكس.........

المهم مارديت على الرقم ومسحت المسج ..........


وبعد فتره دز مسج .............((شفيك ماترد علي لا تخاف انا فلان ))

ها ...........................عاد المسج هاذا عور قلبي زياده؟؟؟؟؟؟؟؟؟؟؟؟؟

يعني شنو ............احد مسويله مقلب .........بس محد من ربعه يدري التلفون معاي.........

او وحده وتبي ترقع السالفه بعد ماعرفت ان التلفون كان معاي......؟؟؟

والله ما ادري...
المهم خليت المسج هذا ولما رد ريلي من السفر .............

اخذ التلفون وقام يقلبه ............وقرا هالمسج وعصب ........

قالي ليش شنو مسوي هالخبل ............؟؟؟؟؟؟؟؟؟

قلت ماادري مو مسوي شي ..........ولا جبت سيره المسج هذاك ابدا ....حتى يومكم هذا ...............

بس والله للحين افكر بالموضوع ..............؟؟؟

وياليتني حفظت الرقم اسجلته عني عشان اشيك عليه .............

حسافه ..


ما ادري افتح الموضوع واقوله واساله .........

ولا اخليه .... مع العلم لما اتهاوش مع ريلي ودي اجيب السالفه عشان توضحلي الصورة .........


واخاف يعصب ليش اشك فيه .........


ساااااااااااااااااااااااااااااااااااعدوني ...

وادي اسئله بضحكة واشوف ردة فعله..........؟؟؟؟